“Ўзбекистон – 2030” стратегияси ислоҳотлар сари дадил қўйилган қадам

Бугунги кунда мамлакатимизда қонун устуворлигини таъминлаш, очиқлик ва ошкоралик тамойилларининг таъсирчан шаклларини жорий этиш, давлат ҳокимияти органлари фаолияти устидан самарали жамоатчилик назоратини ўрнатиш бўйича самарали ишлар йўлга қўйилган. Шуни алоҳида таъкидлаш керакки, стратегияни ишлаб чиқишда янги таҳрирдаги Конституциямиз асос вазифасини бажарди. Айнан янги таҳрирдаги Конституцияда давлат органлари фаолиятининг асосий мезони бу – инсон ҳуқуқлари, инсон эркинликлари экани кўрсатилган. 

Эътиборли жиҳати, эндиликда давлат бошқаруви рақамли ҳукумат тизимига босқичма-босқич ўтилмоқда. Бевосита бу система қуйидан бошлаб юқорига қараб амалга оширилади. Қуйи деганим, маҳаллаларда электрон давлат нуқталарини шакллантириб бориш назарда тутилмоқда. Чунки маҳалла фуқаролар учун энг яқин нуқта ва бу ерда ўша айтилаётган хизматлар амалга оширилади. Биламизки, янги таҳрирдаги Конституцияда ҳокимлар Халқ депутатлари Кенгашига раислик қилмаслиги ҳақида алоҳида норма белгиланди ва мана шу норманинг амалдаги ижросини таъминлаш учун ҳам мазкур стратегияда аниқ чора-тадбирлар белгилаб берилган.

“Ўзбекистон – 2030” стратегиясидаги яна бир асосий мавзулардан бири бу суд-ҳуқуқ соҳасидаги ислоҳотлар билан боғлиқ. Суд-ҳуқуқ соҳаси ислоҳотларини бевосита 3 та йўналишга бўлиш мумкин.

Биринчиси, суд-ҳуқуқ системасини рақамлаштириш йўналиши. Бу ерда биринчи навбатда фуқаролар судларга мурожаат қилган пайтда ҳар бир босқичнинг рақамлаштирилишига алоҳида эътибор қаратилмоқда. Яъни, ортиқча оворагарчиликларнинг олдини олиш ва фуқаролар суд билан тезкор боғланишини таъминлаш учун ҳам бу йўналиш муҳим ҳисобланади. Масалан, фуқарога жиноий иш қўзғатилган пайтда судлардаги жараённи кузатишга ва мавжуд вазият билан танишишга эҳтиёж бор эди. Шу нуқтаи назардан келиб чиқиб, суд жараёнини тўлиқ электронлаштириш ва вазиятни доимий кузатиб туриш тизими шаклланади.

Иккинчи йўналиш сифатида коррупциянинг олдини олишга алоҳида эътибор қаратилмоқда. Яъни 2030 йилга қадар бутун қонунчилик коррупциядан ҳоли бўлади. Бу ҳам давлат олдида турган энг муҳим вазифалардан бири ҳисобланади. Дейлик, давлат харидлари билан боғлиқ соҳаларда ёки манфаатлар тўқнашуви муносабатларида коррупцион ҳолатларнинг олдини олиш ва бу соҳани ҳам рақамлаштириш асосий мақсад сифатида қаралмоқда.

Учинчи йўналиш сифатида Конституцияда белгиланган актлар, “Миранда қоидаси” каби нормаларни амалдаги қонунчиликка сингдиришни ҳам стратегиянинг асосий мақсадларидан бири сифатида қарашимиз мумкин. Умуман олганда, бу йўналишлардан асосий мақсад, судларни, умуман, ҳуқуқни муҳофаза қилувчи органларни халққа янада яқинлаштириш, халқ билан ўзаро узвий боғлиқликни шакллантириш ҳисобланади.

– Аслида бу жараённи табиий қабул қилиш керак. Сабаби ҳар қандай ривожланган мамлакатларда ҳам бу нормал ҳолат сифатида қаралади. Дунё сиёсий тажрибаларидан қарасак, кўпгина давлатларда қонун ҳужжатларини билмаслик, ҳуқуқий онг ривожланмаганлик ҳолатлари учраб туради. Президентимиз ҳам кўпгина чиқишларида кўпроқ бу юк давлат органларида бўлиши керак деб таъкидлаб келади. Сабаби давлат органлари очиқ ва шаффоф бўлса ижтимоий норозиликлар камаяди. Янги таҳрирдаги Конституциямизда ҳам инсон ҳуқуқлари асосий ўринда эканлиги мустаҳкамлаб қўйилди.

Масалан, “Снос” муаммоси фуқароларимизни анча оворагарчиликларга сабабчи қилган эди. Эътиборли жиҳати, мана шу нарса Конституция даражасигача олиб чиқилди. Эндиликда уй-жойи суд қарорисиз олиб қўйилмаслигини фуқароларимиз тушуниб етмоқда.

Ҳуқуқий онгни ривожлантиришда биринчи навбатда давлат органларидан фаоллик талаб этилади, ва, ўз навбатида, фуқаролар ҳам маълум масалада ҳуқуқий муносабатга киришганда ички ҳиссиётга берилмаслиги керак деб ўйлайман. Чунки ҳуқуқий муносабатларда ҳиссиётларга ўрин йўқ. Бу жараёнда уларнинг қонунчилик доирасида муносабатга киришгани мақсадга мувофиқ. Мавжуд қонунчиликлардан хабари бор одам, албатта,  ўз ҳуқуқининг таъминланишига эришади.

Х.Раҳимов Хоразм вилоят судининг иқтисодий ишлар бўйича судьяси

ДИҚҚАТ, ЭЪЛОН !

Ўзбекистон Республикаси Олий суди раҳбарияти ҳамда вилоят суди раҳбарияти томонидан 21 июнь куни Хоразм вилояти бўйича Хонқа туманида соат 10:00дан соат 13:00гача сайёр қабул ўтказилади.

Қабулда фуқароларнинг суд-ҳуқуқ масалаларига доир мурожаатлари эшитилади.

Манзил: Хонқа тумани, “Дургадик” маҳалласида жойлашган “Ваисёз Қаҳрамон” фермер хўжалиги шийпони.

Урганч шаҳрида халқаро семинар ўтказилди

Урганч шаҳрида Бирлашган Миллатлар Ташкилотининг Гиёҳванд моддалар ва жиноятчиликка қарши курашиш бошқармаси(UNODC) ва Ўзбекистон Республикаси Олий суди ҳамкорлигида “Одам савдосига қарши курашишнинг ҳуқуқий асослари. Одам савдоси бўйича ишларни кўриб чиқиш” мавзусида семинар-тренинг ўтказилди. Унда Хоразм вилояти ва Қорақалпоғистон Республикаси судларининг судьялари иштирок этишди.

Тренингда соҳанинг кучли мутахассислари юридик фанлари доктори, БМТнинг Гиёҳванд моддалар ва жиноятчиликка қарши курашиш бошқармаси Марказий Осиёда одам савдоси ва муҳожирларни ноқонуний ташишга қарши курашиш бўйича минтақавий маслаҳатчиси Reda Sirgediene ҳамда Тошкент шаҳар суди судьялари Фаррух Тўрахўжаев ва Зоир Камоловлар бошчилигида ўқув машғулотлари олиб борилди.

Семинар муҳокамаларида одам савдосининг ҳуқуқий асослари ҳамда унинг турли шакллари, далилларни баҳолаш ва жабрланганларни қўллаб-қувватлаш масалалари ўрганилди. Бундан ташқари, иштирокчилар халқаро конвенция ва шартномалар, жумладан, БМТнинг Трансмиллий уюшган жиноятчиликка қарши конвенциясини тўлдирувчи ва глобал даражада одам савдосига қарши курашиш бўйича саъйи-ҳаракатларни йўлга қўювчи “Одам савдосининг олдини олиш, айниқса аёллар ва болалар савдосининг олдини олиш, унга чек қўйиш ва жазолаш тўғрисидаги Баённомаси” билан танишдилар.

Мулоқотларда Ўзбекистондаги миллий қонунчилик ва меъёрий ҳужжатларга батафсил тўхталиниб, одам савдосидан жабрланувчиларга алоҳида йўналтирилган ёндашув муҳимлиги, реабилитация масалаларига ҳам эътибор қаратилиши лозимлиги таъкидланди.

Хива туман судида “Очиқ эшиклар куни” тадбири ўтказилди

Фуқароларни судлар фаолияти билан яқиндан таништириш ва жамоатчиликка суд интерактив хизматлари ҳақида маълумот бериш мақсадида жиноят ишлари бўйича Хива туман судида “Очиқ эшиклар куни” тадбири ўтказилди. Унда Тошкент давлат юридик университети ҳамда вилоят юридик техникумида таълим олаётган ёшлар, оммавий ахборот воситалари вакиллари иштирок этишди.

Тадбирда ёшлар ва медиа вакиллари туман суди биносида ташкил этилган адвокатлар хонаси, прокурор хонаси, фуқароларни қабул қилиш жараёни, суд мажлислар зали ҳамда судга ташриф буюрувчилар учун яратилган бошқа шароитлар билан танишдилар. Суднинг архиви ва девонхонаси фаолияти бўйича ҳам тушунтиришлар берилди.

Кейин эса судьялар ва қатнашчилар иштирокида давра суҳбати ташкил этилди. Унда маърузачилар судда кўриладиган ишлар тоифаси, суднинг ваколатлари, жиноий ва маъмурий ишларни кўришнинг процессуал тартиблари ҳамда туман судида жорий йилнинг биринчи чорагида кўрилган ишлар таҳлили ҳақида гапиришди.

Мулоқотларда вилоят суди раиси ўринбосари томонидан суд тизимидаги ислоҳотлар ва коррупцияга қарши курашишда судларнинг роли масалаларига ҳам алоҳида тўхталинди. Жумладан, судьялар томонидан 2023−2026 йилларга мўлжалланган суд тизимини сифат жиҳатидан янги босқичга олиб чиқишнинг қисқа муддатли стратегияси ҳамда “Ўзбекистон – 2030” стратегияси бўйича тўлиқ тушунтиришлар берилди.

Тадбир иштирокчилари очиқ суд мажлисига ҳам бевосита гувоҳ бўлишди. Суд жараёни, судланувчиларнинг пушаймонлигини, тайинланган жазони ижро этишгача бўлган барча процессуал ҳаракатлар фуқароларнинг кўз ўнгида кўрсатилди.

Шунингдек, “Очиқ эшиклар куни” тадбири доирасида фуқаролар учун қулайлик яратиш мақсадида жорий этилган ўндан ортиқ суд интерактив хизматлари, улардан фойдаланиш тартиби ва суд мажлисларида масофадан туриб қатнашиш имкониятлари иштирокчиларга тўлиқ тушунтирилди.

Айниқса, ёшларнинг суд кутубхонасидан жой олган юридик адабиётлар ва соҳага доир бошқа бадиий асарларга қизиқиши катта бўлди. Бу каби тадбирлар бўлажак ҳуқуқшунослар учун назарий билимларини амалиёт орқали янада мустаҳкамлаш, соҳа мутахассислари билан яқинда фикр алмашиш имкониятини яратгани билан фойдали бўлди дейиш мумкин.

ЮРИДИК ТЕХНИКУМДА УЧ АВЛОД УЧРАШУВИ ЎТКАЗИЛДИ

Хоразм вилоят суди томонидан вилоят юридик техникумида  суд фахрийлари, судьялар ва техникумда таҳсил олаётган ёшлар иштирокида “Уч авлод учрашуви” маърифий тадбири ўтказилди. Унда суд фахрийси Одилбек Каримов, вилоят судининг жиноят ишлари бўйича судьялари Шуҳрат Раззақов ва Зафар Якубовлар иштирок этишди.

Тадбирда узоқ йиллар судьялик лавозимида ишлаган, бугун кексалик гаштини сураётган меҳнат фахрийси қатнашчиларга ўз тажрибаси ва фаолияти давомида олган сабоқлари ҳақида сўзлаб берди. Маърузачилар томонидан судьяликнинг мақоми масъулият, ҳалоллик, фидойилик, доимий малака ошириш ва одоб-ахлоқ сингари мезонлар билан узвий боғлиқ эканлиги таъкидланди.

Мулоқотларда юртимизда ёшларнинг таълим олиши учун яратилган шароитлар, Судьялар олий мактаби фаолияти ва судьяликка номзодларни шакллантириш ҳақида ҳам сўз юритилди.

Тадбир якунида иштирокчиларни қизиқтирган саволларга атрофлича жавоб берилди.

Каналга уланиш: @xorazmviloyatisudlari

Хоразм вилоят маъмурий судининг 2023 йилдаги одил судловни амалга ошириш фаолияти юзасидан ахборот

2023 йил давомида Хоразм вилоят ва Урганч туманлараро маъмурий судлари томонидан одил судловни амалга ошириш, фуқароларнинг ҳуқуқ ва эркинликларини ҳимоя қилиш борасида муайян ишлар бажарилди.

Жумладан, ҳисобот даврида вилоят маъмурий судлари томонидан оммавий-ҳуқуқий муносабатлардан келиб чиқадиган жами 983 та маъмурий ишлар кўриб тамомланган бўлиб, бу турдаги маъмурий ишлар сони ўтган йилнинг шу даврига нисбатан 111 тага ёки 10,1 фоизга камайган.

Мазкур ишларнинг 386 таси бўйича ариза (шикоят) лар қаноатлантирилиб, мансабдор шахсларнинг қонунга хилоф қарорлари ва хатти-ҳаракатлари оқибатида фуқароларнинг бузилган ҳуқуқлари суд йўли билан тикланган, 511 та ариза (шикоят) рад этилган, 61 таси бўйича иш юритиш тугатилган ва 25 таси кўрмасдан қолдирилган.

Оммавий-ҳуқуқий муносабатлардан келиб чиқадиган ишларнинг 252 тасини маҳаллий ҳокимликлар қарорларини ҳақиқий эмас деб топиш ҳамда уларнинг ҳаракатлари (ҳаракатсизлиги)ни қонунга хилоф деб топиш,

214 тасини Кадастр агентлигининг,

182 таси Хоразм вилоят солиқ органларининг,

84 таси Мажбурий ижро бюроси бўлимларининг,

151 тасини бюджетдан ташқари пенсия жамғармасининг туман ва шаҳар бўлимлари (мансабдор шахс)лари қарорлари ҳамда ҳаракат (ҳаракатсизлиги)ни қонунга хилоф деб топишга доир,

50 тасини Хоразм вилоят қурилиш ва архитектура бошқармаси,                  

20 тасини ФҲДЁ органлари,

3 таси ички ишлар органларининг,

1 тасини давлат божхона қўмитасининг,

26 тасини бошқа идора ва ташкилотлар мансабдор шахсларининг ҳаракатлари (ҳаракатсизлиги) юзасидан берилган аризалар бўйича кўрилган ишлар ташкил этади.

Маҳаллий ҳокимлар қарорларини ҳақиқий эмас деб топиш тўғрисидаги жами 252 аризалар кўриб тамомланган бўлиб,

шундан 95 таси бўйича ариза талаблари қаноатлантирилиб, туман ва шаҳар ҳокимларининг 95 та қарорлари ҳақиқий эмас деб топилган,

109 та ариза рад қилинган бўлса, 21 таси бўйича иш юритиш тугатилган ва 5 таси бўйича аризалар кўрмасдан қолдирилган.

 Хисобот даврида вилоят ва туманлараро маъмурий судлари томонидан оммавий ахборот воситалари орқали жами 274 марта, шу жумладан телевидение орқали 96 марта, радио орқали 84 марта, газета ва журналларда 20 марта ва веб-саҳифаларда 74 марта чиқишлар қилинган.

Шунингдек, жойларда 267 марта оғзаки ҳуқуқий тарғибот тадбирлари ҳамда аҳоли билан очиқ мулоқотлар ўтказилган бўлиб, уларнинг 109 таси маърузалар, 138 таси давра суҳбатлари, 8 таси илмий-амалий конференциялар ва 12 тасида семинарлар ўтказилган.

2023 йил давомида 2022 йилнинг шу даврига нисбатан оммавий ахборот воситалари орқали чиқишлар 24 тага ёки 9,6 фоизга, оғзаки ҳуқуқий тарғибот тадбирлари 27 тага ёки 11,3 фоизга кўпайган.

2023 йил давомида кўриб тамомланган жами оммавий-ҳуқуқий муносабатлардан келиб чиқадиган маъмурий ишларнинг 353 таси ёки 35,9 фоизи сайёр суд мажлисларида кўриб чиқилган.

Ҳисобот даврида ишларни кўриб чиқиш якуни бўйича Урганч туманлараро судининг судьялари томонидан 317 та хусусий ажримлар чиқарилган бўлиб бу кўрилган ишларга нисбатан 32,2 фоизни ташкил қилиб ўтган йилнинг шу даврига нисбатан 4,4 фоизга кўпайган.

Хусусан чиқарилган хусусий ажримларнинг 85 таси туман ва шаҳар маҳаллий ҳокимликларига,

79 таси Хоразм вилоят солиқ органларига,

 15 таси  солиқ қўмитаси ҳузуридаги Кадастр агентлигига,

31 таси Қурилиш вазирлигининг архитектура-шаҳарсозлик кенгаши Хоразм вилоят қурилиш ва уй жой коммунал хўжалиги бошқармасига,

102 таси бюджетдан ташқари пенсия жамғармасининг туман ва шаҳар бўлимларига ва

 5 таси бошқа ташкилотларга тўғри келади.

Хоразм вилоят ҳамда туманлараро маъмурий суди судьялари томонидан жами 798 нафар фуқаро қабул қилинган бўлиб, шундан 441 нафар фуқаролар сайёр қабуллардаги мурожаатлари юзасидан қабул қилинган. Мурожаатлар 2022 йил шу даври билан таққосланганда 50 та мурожаатга, яъни 6,7 фоизга кўпайган. Хоразм вилоят ҳамда туманлараро маъмурий судлари томонидан бевосита идорада 357 нафар фуқаролар қабул қилинган. Ўтган йилнинг шу даврида ушбу кўрсатгич 420 тани ташкил этган.

Хоразм вилояти ва Урганч туманлараро маъмурий суди томонидан 2023 йил давомида ариза дастлаб судга тақдим этилган пайтда 661 527 000 сўмлик давлат божлари аризачилар томонидан давлат бюджетига ихтиёрий тўланган.

Иш якуни бўйича суд қарорида ундирилиши белгиланиб, мажбурий тартибда ундириш учун мажбурий ижро бюроларининг туман ва шаҳар бўлимларига жами 548 817 200 сўмлик 288 та ижро ҳужжатлари ижро қилиш учун юборилган.

Ижро органлари тамонидан 355 992 200 сўмлик ёки 288 та яъни 64,8 фоиз ижро ҳужжатлари ижро қилиган.Шунингдек 192 825 000 сўмлик ёки 80 та яъни 35,2 фоиз ижро ҳужжатлари қолдиқ бўлиб қолган.

Хоразм вилоят судининг матбуот хизмати

Хоразм вилоят судининг 2023 йилдаги одил судловни амалга ошириш юзасидан фаолияти ҳақида ахборот

Мамлакатимизда кейинги йилларда фуқароларнинг ҳуқуқлари ва қонун билан қўриқланадиган манфаатлари ҳимоясини таъминлаш, суд-ҳуқуқ соҳасида инсон манфаатларига қаратилган кенг қамровли ислоҳотлар қатъият билан амалга оширилмоқда.

Одамларнинг жойларда судма-суд сарсон бўлиб юришларига барҳам бериш мақсадида суд қарорларини қайта кўриш институти қайта тубдан такомиллаштирилиб, ишларни кўришнинг ўта марказлаштирилишига барҳам берилди. Ўрта бўғин судларининг имкониятларидан самарали фойдаланиш механизми яратилди. Натижада, фуқароларнинг суд ҳимоясида бўлиш ва судга шикоят қилиш ҳуқуқларининг кафолатлари янада оширилди.

Ҳар бир суд босқичига иш бўйича якуний қарор қабул қилиш масъулияти юкланиши билан фуқароларни қийнаб келаётган суд қарорларини қайта-қайта бекор қилиш амалиётига чек қўйилди.

Ўрта бўғин ҳисобланган вилоят судларига етарли ваколатлар берилиши билан бирга, катта масъулият ҳам юкланди.

Одил судловни таъминлаш борасида вилоят судлари томонидан 2023 йилда муайян ишлар амалга оширилди.

Жумладан, 2023 йил давомида жиноят ишлари бўйича туман, шаҳар судлари томонидан биринчи босқичда жами 1.857 нафар шахсга нисбатан 1.529 та жиноят иши тамомланган бўлиб, ўтган йилга нисбатан шахс сони 55 нафарга ёки 2,9 фоизга камайган, жиноят ишлари 43 тага ёки 2,8 фоизга ортган.

Шу даврда 3132 та материаллар кўриб чиқилган.

1.501нафар шахсга нисбатан 1.196 та жиноят иши бўйича ҳукм чиқарилган бўлиб, ҳукм чиқарилган ишлар сони 56 тага ёки 4,6 фоизга кўпайган.

Ҳисобот даврида жами 330 шахсга нисбатан 312 та ишлар, шундан 308 шахсга нисбатан 291 та жиноят ишлари тарафлар ярашуви асосида, тугатилиб, шахслар жиноий жавобгарликдан озод этилган.

10 нафар шахсга нисбатан биринчи инстанция судлари томонидан оқлов ҳукмлари чиқарилган бўлса, 8 нафар шахс апелляция инстанциясида ЖПКнинг
83-моддасига асосан реабилитация қилиниб, уларга нисбатан жиноят ишлари тугатилган. Шунингдек, ушбу даврда 342 шахсга нисбатан дастлабки тергов органи томонидан қўйилган айбловлар ўзгартирилиб ҳукм чиқарилган.

Судланганларнинг 134 нафарига жарима, 1 нафарига муайян ҳуқуқдан маҳрум қилиш, 7 нафарига мажбурий жамоат ишлари, 413 нафарига ахлоқ тузатиш ишлари, 439 нафарига озодликни чеклаш,463 нафарига озодликдан маҳрум қилиш жазолари тайинланган, 1 шахс шартли ҳукм қилинган.

Вилоятда судланганлик кўрсаткичи умумий ҳисобда камайган бир вазиятда, гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда сақлаш ва ўтказиш, ўғирлик, ҳаракат хавфсизлиги қоидаларини бузиш, номусга тегиш, қўшмачилик қилиш ва фоҳишахона сақлаш, электр, газдан фойдаланиш қоидаларини бузиш каби жиноятлар учун судланганлик ҳолатлари ошган.

2023 йилда коррупция билан боғлиқ 147 нафар шахсга нисбатан 131 та жиноят ишлари кўриб тамомланган бўлиб, 136 нафар шахсга нисбатан айблов ҳукми чиқарилган.

Судланганларнинг 19 нафарига жарима, 63 нафарига ахлоқ тузатиш ишлари, 31 нафарига озодликни чеклаш ва 20 нафарига нисбатан озодликдан маҳрум қилиш жазолари тайинланган, 3 шахсга нисбатан жазо тайинланмасдан хукм чиқарилган. Судланганларнинг 16 нафарини аёллар, 11 нафарини 30 ёшгача, 130 нафарини 31-60 ёшгача, 4 нафарини 60 ёшдан ошганлар ташкил этган бўлиб, уларнинг 33 нафари муқаддам судланганлар, хусусан 18 нафари муқаддам коррупция билан боғлиқ жиноят содир қилганлиги учун судланган шахслардир.

Соҳалар кесимидаги таҳлилга кўра, судланган шахсларнинг 1 нафари мактабгача таълим,7 нафари халқ таълими, 5 нафари соғлиқни сақлаш, 1 нафари банк, 29 нафари тадбиркорлик субъектлари, 2 нафари электр, 2 нафари ўзини ўзи бошқариш ташкилотлари,1 нафари пенсия жамғармаси ва 47 нафари бошқа ташкилот ходимларини ташкил этмоқда.

Ўтган давр давомида судлар томонидан коррупция билан боғлиқ жиноятлар олдини олиш ва унга қарши курашиш мақсадида 66 маротаба тарғибот тадбирлари ўтказилиб, ишлар юзасидан жиноятлар содир этилишига имкон берган шарт-шароитларни бартараф қилиш борасида 48 та хусусий ажримлар чиқарилган, ушбу турдаги ишларни сайёр суд мажлисида кўришга эътибор қаратилиб, ушбу тоифа ишлар юзасидан суд амалиёти 6 маротаба умумлаштирилиб, тегишли корхона ва ташкилотларга тақдимномалар киритилиши таъминланган.

466 шахсга нисбатан ёхуд кўрилган ишларнинг 9 фоизи келтирилган шикоят ва протестлар асосида апелляция инстанциясида кўрилган бўлиб, 91 фоиз ишлар юзасидан судлар чиқарган қарорларга нисбатан шикоят ёки протестлар келиб тушмаган.

Маъмурий ҳуқуқбузарликка оид жами  32.311 шахсга нисбатан 28.702 та материаллар кўриб чиқилиб, ўтган йилга нисбатан шахс сони 2.082 нафарга ёки 6,4 фоизга кўпайган бўлса, ўз навбатида материаллар (ишлар) сони ҳам мутаносиб равишда 2.383 тага ёки 8,3 фоизга ортган.

Шундан, 17.301 шахсга нисбатан 16.223 та иш бўйича маъмурий жазо қўлланилган бўлса, 14.812 шахсга нисбатан 12.479 та маъмурий ишлар тугатилган. 15.450 шахсга жарима, 1.798 шахсга маъмурий қамоқ, 33 шахсга махсус ҳуқуқдан маҳрум қилиш ва 7 шахсга маъмурий ҳуқуқбузарликни содир этиш қуроли ҳисобланган ашёни мусодара қилиш жазолари қўлланилган.

9187 нафар шахс ярашилганлиги, 5265 шахс ҳуқуқбузарликнинг кам аҳамиятлилиги муносабати билан жавобгарликдан озод қилиниб, уларга нисбатан юритилган ишлар тугатилган.

Маъмурий ҳуқуқбузарликка оид кўрилган ишлар бўйича судлар томонидан чиқарилган қарорларнинг атиги 1,8 фоизи юзасидан келтирилган шикоятлар асосида ишлар апелляция инстанциясида кўриб чиқилган.

3) Фуқаролик ишлари бўйича судлар томонидан шу даврда 15.140 та фуқаролик ишлари кўриб чиқилган бўлиб, ўтган йилнинг шу даврига нисбатан 3.458 та ёки 18,5 фоизга камайган. 11.189 та ёки 67,9 фоиз даъво талаблари қаноатлантирилган, 1.501 та ёки11,9 фоизи рад қилинган, 131 та ёки 1,9 фоиз иш юритишдан тугатилган, 2.394 та ёки 18,2  фоиз ишлар бўйича аризалар кўрмасдан қолдирилган.

Материал тартибда кўрилган ишлар ҳисобот даврида 4.669 тани ташкил қилиб, ўтган йилнинг мос даврига нисбатан 0,6 фоизга ошган.

Суд буйруқлари ҳам 5.694 та ёки 31,1 фоизга камайиб, 12.622 тани ташкил қилган.

Судларда кўрилган ишларнинг – 1.032 таси меҳнат муносабатларига оид низоларни, 5.005 таси оила масалалари, шундан 2.694 таси никоҳдан ажратиш ҳақида, 1.275 таси уй-жой низоларини, 5.675 таси битимлар ва бошқа фуқаролик ҳуқуқий муносабатларга билан боғлиқ низоларни, шундан 1.913 таси кредит ундириш ҳақидаги, 685 таси ер муносабатларига доир низоларни,  1.428 таси юридик аҳамиятга эга бўлган фактларни белгилаш билан боғлиқ низоларни ташкил қилган.

Ўзбекистон Республикаси Конституциясида, оила жамиятнинг асосий бўғини бўлиб, у жамият ва давлат муҳофазасидадир деб белгиланган.

Шу сабабли, никоҳдан ажралишларни олдини олиш ва оилаларни сақлаб қолиш мақсадида судлар оила ва хотин-қизлар бошқармалари ва шу тизимда фаолият олиб бораётган мутахассислар билан ҳамкорликда зарур чора-тадбирлар ўтказиб келмоқда.

Ўтган давр мобайнида судларда никоҳдан ажратиш ҳақида жами 2694 та кўриб тамомланган ишлардан 2.427 таси бўйича ҳал қилув қарори чиқарилган,
1.663 таси бўйича даъво қаноатлантирилган, 764 таси рад қилинган, 42 таси иш юритиш тугатилган ҳамда 225 таси кўрмасдан қолдирилган.

Шундай бўлсада, никоҳдан ажратиш ҳақида кўрилган ишлар сони ўтган йилнинг шу даврига нисбатан 144 тага кўпайган.

Шу сабабли Хоразм вилоят суди ва Хоразм вилоят ҳокимлиги ўртасида тасдиқланган “Меморандум” ижросини таъминлаш, вилоятда оилавий ажримларни олдини олиш мақсадида Хоразм вилоят суди, Хоразм вилоят ҳокимлиги ва вилоят прокуратураси билан ҳамкорликда оилавий ажримларни олдини олиш юзасидан тадбирлар режаси ишлаб чиқилиб, режа асосида вилоятимизнинг ҳар бир туман ва шаҳрида судлар, прокуратура органи ҳамда Оила ва хотин қизлар бошқармасининг қуйи тизимлари билан ҳамкорликда оилавий ажримларни олдини олишга қаратилган зарур чора-тадбирлар белгилаб олинмоқда.

Оилани тиклаш, эр-хотинларни ярашиб олишлари учун 2023 йил давомида 1.664 та никоҳдан ажратиш ҳақидаги ишлар бўйича муҳлат берилиб жойлардаги яраштирув коммисияларига юборилган.

Никоҳдан ажратиш учун етарли асослар бўлмаганлиги, келгусида тарафларни оилани тиклаш чораларини кўриш имконияти мавжудлиги сабабли
1.031 та даъво аризалар қаноатлантирилмасдан жойлардаги яраштириш комиссияларига 60 та хусусий ажрим чиқарилган.

Судьялар томонидан никоҳдан ажратиш ҳақидаги ишларни кўриш жараёнида  тарафларни яраштириш учун тушунтириш ишларини амалга ошириш натижасида жами 35 та оила яраштирилган.

Фуқаролик судлари томонидан чиқарилган қарорларнинг 2,6 фоизи бўйича келтирилган апелляция шикоятлари вилоят суди томонидан кўриб чиқилган.

Иқтисодий судлар томонидан 2023 йил давомида жами  8.659 та иш кўрилиб, ўтган йилнинг шу даврига нисбатан 111 та ёки 1,2 фоизга камайган.

Кўрилган ишларнингаксариятини банклардаги ҳисобварақалар бўйича операцияларни тўхтатиб қўйиш, маҳсулот етказиб бериш шартномаси, коммунал хизмат кўрсатиш шартномаси, банкрот деб топиш, молиявий жарима қўллаш билан боғлиқ низоларни ташкил қилган.

Суд қарорларининг 4,9 фоизи бўйича келтирилган апелляция шикоятлари асосида ишлар апелляция инстанциясида кўриб чиқилган.

2023 йил давомида вилоят суди ҳамда туманлараро, туман (шаҳар) судларига  жисмоний ва юридик шахслардан  жами 6209 тамурожаатлар келиб тушган, шундан 2431 таси Ўзбекистон Республикаси Президентининг виртуал ва Халқ қабулхоналаридан, 963 таси бевосита судга келиб тушган умумий мазмундаги мурожаатларни ташкил этади;

2815 таси суд раҳбарияти томонидан шахсий (сайёр) қабулида топширилган ёзма ва оғзаки мурожаатлардир.

Қайд этилган даврда мурожаатлар кўрсаткичи ўтган йилнинг мос даврига нисбатан 666 тага камайган бўлиб, уларнинг барчаси қонунда белгиланган тартибда ва муддатларда кўриб ҳал этилган.

2023 йилда судлар томонидан ҳуқуқий тарғибот ва профилактик тадбирларга ҳам алоҳида эътибор қаратилди.

Шу даврда тасдиқланган режалар ижроси доирасида барча судлар томонидан:

761маротабаоммавийахборотвоситаларидачиқишларқилинди;

1.172 маротаба жойларда оғзаки ҳуқуқий тарғибот ишлари амалга оширилди;

Кўрилган ишлар юзасидан 1.736 та хусусий ажрим чиқарилди;

Суд амалиёти 171маротаба умумлаштирилиб, натижаси бўйича тегишли муассаса, корхона ва ташкилотларга 115 та тақдимномаларкиритилди.

Жиноят ишлари бўйича судларда 383 та ёки 25,0 фоиз;

Фуқаролик ишлари бўйича судларда 1392 та ёки 9,2 фоиз;

Иқтисодий судларда 2.336 та ёки 25,7 фоиз ишлар сайёр суд мажлисида кўриб чиқилди.

Жорий йилда ҳам судларнинг эътибори одил судлов сифатини янада яхшилашга, фуқароларнинг, давлат ва жамоат ҳамда юридик шахсларнинг ҳуқуқ ва манфаатларини суд йўли билан ҳимоя қилинишини тўлақонли таъминлашга, фуқароларимизни қонунга итоаткорлик руҳида тарбиялашга, уларнинг ҳуқуқий онги ва маданиятини оширишга, жиноятчилик ва ҳуқуқбузарликларга барҳам бериш ҳамда фуқаролар ўртасида келиб чиқадиган низоларни олдини олишга,  низоларни судгача ҳал қилишга, жамиятда соғлом турмуш тарзини шакллантиришга, фуқароларнинг судга бўлган ишончини оширишга қаратилади.

Хоразм вилоят судининг жамоатчилик ва ОАВ билан алоқалар бўлими

Д И Қ Қ А Т, Т А Н Л О В !

Хоразм вилоят суди қуйидаги лавозимларга малакали кадрларни ишга қабул қилиш учун танлов эълон қилади.

  1. Вилоят судининг судья катта ёрдамчиси лавозимига;
  2. Фуқаролик ишлари бўйича Урганч туманлараро судининг судья ёрдамчиси лавозимига;
  3. Жиноят ишлари бўйича Урганч шаҳар судининг судья ёрдамчиси лавозимига

РАСМИЙ ТАЛАБЛАР

Танловда фақат юриспруденция йўналиши бўйича олий маълумотга эга бўлган номзодлар қатнашиши мумкин.

Давлат тилини мукаммал билиши лозим. Хорижий тилларни (рус ва инглиз тиллари) билишга устуворлик берилади.

Фаолият соҳаси асосида қуйидаги билим- кўникмаларга эга бўлиши зарур:

  • суд-ҳуқуқ соҳасидаги ўзгаришларни билиш;
  • судларда кўриб чиқиладиган ишларни билиш (йўналишлар бўйича жиноят, фуқаролик ва иқтисодий);
  • суд ҳужжатлари билан ишлай олиш;
  • суд архиви ҳужжатларини билиш;
  • компьютер ва бошқа техника, зарур дастурий таъминотлардан фойдалана олиш.

Меҳнат шароити ва иш ҳақи:

  • Барча меҳнат шароитлари яратилган замонавий идора;
  • Иш режими: беш кунлик иш ҳафтаси, икки кун дам олиш куни (шанба, якшанба);
  • Ойлик иш ҳақи лавозимга қараб қўшимча тўловлари билан бирга ўртача 4-5 млн. сўм, мансаб даража олгандан сўнг 7-8 млн. сўмни ташкил қилади.
  • Қонун ҳужжатларида назарда тутилган мажбурий ижтимоий таъминот.

Номзодлар танловда иштирок этишлари учун 2023 йил 29 декабрь кунига қадар қуйидаги ҳужжатлар билан вилоят судининг кадрлар бўлимига мурожаат қилишлари лозим.

  • шахсий варақаси (маълумотнома- объективка);
  • диплом (дипломдан кўчирма)нинг      нусхаси, чет элда ўқиган бўлса, дипломи тан олиш ва нострификациядан ўтганлигини тасдиқловчи гувоҳнома;
  • фуқаролик паспорти нусхаси;
  • Олдин ишлаган бўлса иш жойидан тавсифнома;
  • Хужжат топширмаган номзодлар танловда қатнашмайди.

Номзодларни танлов асосида саралаш, улар орасидан энг малакали ва масъулиятли мутахассисларни танлаш 2024 йил 5 январь куни вилоят судида ўтказилади.

Манзил: Урганч шаҳар, “Тинчлик” кўчаси, 22-уй.
Телефон: +99862 228-66-20

Танловда иштирок этувчи номзодлар учун топшириладиган ҳужжатлар ва саволлар намунаси:

Танлов-учун-керакли-хужжатлар-намунаси-ва-кулланмаларСкачать

Архивлар фаолияти тўғрисида

         Архив ўзи нима? Архив – бу архив хужжатларини жамлаш, ҳисобга олиш, сақлаш ва улардан фойдаланишни амалга оширувчи муассаса ҳисобланади. 

Шунингдек архив иши – архив ҳужжатларини жамлаш, ҳисобга олиш, сақлаш ва улардан фойдаланишни ташкил этиш бўйича фаолиятдир.

Ҳар бир давлат корхона, муассаса ва ташкилотларида албатта идоравий архивлар мавжуддир.

Идоравий архив-юридик шахснинг архив хужжатларини жамлаш, ҳисобга олиш, сақлаш ва улардан фойдаланишни амалга оширувчи таркибий бўлинма ҳисобланади. Бизнинг суд соҳамизда ҳам идоравий архивлар мавжуд бўлиб, ҳар бирида биттадан архив мудири штати мавжуддир.

Ҳозирги кунда идоравий архивлар жуда яхши фаолият олиб бормоқдалар. Бизни Ўзбекистонда архивларни ривожлантириш мақсадида кўпгина қонун ва қарорлар ишлаб чиқилган.

Хусусан, идоравий архив ўз фаолиятини қуйидаги норматив-ҳуқуқий хужжатлар яъни Ўзбекистон Республикасининг 15.06.2010 йилдаги  252-сонли “Архив иши тўғрисида”ги Қонуни, Ўзбекистон Республикаси Вазирлар Маҳкамасининг 2012 йил  5 апрелдаги 101-сонли “Ўзбекистон Республикасида архив ишини такомиллаштириш тўғрисида”ги қарори ҳамда Ўзбекистон Республикаси Вазирлар Маҳкамасининг 1999 йил 30 октябрдаги 482-сонли “Архив иши бўйича меъёрий хужжатларни тасдиқлаш тўғрисида” ги қарори  асосида амалга оширади.

Идоравий архивнинг асосий вазифаси – ташкилот ҳужжатларини жамлаш, ҳисобга олиш, сақлаш, улардан фойдаланиш ва давлат томонидан сақлашга топшириш учун тегишли архивларга топширишдан иборатдир.

Идоравий архив мудири тугалланган ишларни ҳамда шахсий таркиб хужжатларни жамлайди, ҳисобга олади ва сақлайди. Архивда сақланаётган ҳужжатларнинг илмий ва амалий қимматини аниқлаш учун экспертиза қилишни ташкил этади, иш юритиш жараёнида ҳужжатлар қимматини экспертиза қилишда услубий ёрдам кўрсатади, ҳужжатларни давлат архивига топшириш учун тайёрлайди ва “Архив иши тўғрисида”ги Ўзбекистон Республикаси Қонунида белгиланган муддатларда топширади, шунингдек ҳужжатлардан фойдаланишни ташкил қилади ва белгиланган тартибда ҳам манфаатдор ташкилотларга, ҳам фуқароларга маълумотномалар, ҳужжатлардан кўчирмалар ва нусхалар беради. 

Бизнинг суд соҳамизда архивларга жуда катта эътибор қаратилган.

Хусусан, архивимиз янги темир стеллажлар, сейф, компьютер ва сигнализация тизими, ҳаво ва намликни ўлчовчи ҳамда ёнғинга қарши воситалар билан тўлиқ таъминланган. Бу суд архивидаги ҳужжатлар белгиланган вақт оралиғида сифатли сақланади дегани.

Гўзал Эшчанова, Боғот туманлараро иқтисодий суди архив мудири

Skip to content