Юридик техникумида «Судья ва ёшлар» учрашуви
Урганч туманлараро маъмурий суди судьялари иштирокида техникум ўқувчилари билан учрашув бўлиб ўтди.
Унда судьялар “Коррупциянинг жамият ва давлат учун ижтимоий хавфли хусусиятлари ва оқибатлари”, “Фуқаролар ва тадбиркорлик субъектларининг ҳуқуқлари ва қонуний манфаатларини самарали ҳимоя қилиш ҳамда қонун устуворлигини таъминлаш – маъмурий судларнинг асосий вазифалари” мавзуларида маъруза қилишди.
Шунингдек, ўқувчилар Президентимизнинг Олий Мажлис ва Ўзбекистон халқига йўллаган Мурожаатномасида таъкидланган долзарб масалалар билан ҳам таништирилди.
Тадбир очиқ мулоқот тарзида давом этиб, ёшларнинг соҳага доир саволларига жавоб берилди.