Жиноят ишлари бўйича Ҳазорасп туман суди томонидан туман ИИБда йиғилиш ўтказилди
Унда жиноят ишлари бўйича Ҳазорасп туман суди раиси Х.Сапаев, туман ИИБ бошлиғи Ж.Мадаминов ва терговчилар, профилактика инспекторлари иштирок этишди.
Йиғилишда туман суди раиси қатнашчиларни Олий суд Пленумининг «Судлар томонидан жиноят учун жазо тайинлаш амалиёти тўғрисида»ги 1-сонли қарорига ўзгартириш ва қўшимчалар киритиш ҳақидаги» 22-сонли қарори мазмун-моҳияти билан таништирди.
Ўзаро мулоқотларда жиноят ишларини расмийлаштириш ва дастлабки тергов жараёнларида йўл қўйилиши мумкин бўлган камчиликлар юзасидан ИИБ ходимларининг фикр-мулоҳазалари эшитилди.
Шунингдек, бугун жамиятда долзарб ҳисобланган коррупцияга қарши муросасиз кураш олиб бориш ҳамда фуқароларга ўз ҳуқуқ ва мажбуриятларини тўғри тушунтириш каби масалалар ҳақида ҳам сўз юритилди.
Тадбир якунида ИИБ ходимларининг ҳуқуқий саводхонлигини ошириш борасида доимий семинар машғулотлари ўтказиб боришга келишилди.